Golovkınniń promoýteri kópten kútken kezdesýge qatysty pikir bildirdi
ASTANA. QazAqparat - Qazaqstandyq boksshy Gennadıı Golovkınniń (38-0-1, 34 KO) promoýteri Tom Leffler úshinshi SuperFly boks keshin uıymdastyrýmen aınalysýda. Bul kezedsýdi ol Los-Andjeleste 8 qyrkúıek kúni ótkizýdi josparlap otyr, dep habarlaıdy «QazAqparat» HAA Sports.kz saıtyna silteme jasap.
Bul joly aqpan aıyndaǵydaı basty kezdesýge taılandyq boksshy Srısaket Sor Rýngvısaı (45-4-1, 40 KO) men meksıkalyq Hýan Fransısko Estrada (36-3, 25 KO) shyǵady. Olardyń birinshi kezdesýinde tóreshilerdiń basym daýys berýimen taılandyq boksshy jeńiske jetken bolatyn. Osylaısha ol eń jeńil salmaqtaǵy WBC tujyrymy boıynsha álem chempıony beldigin qorǵap qaldy.
«Ońtústik Kalıfornııa ókilderi bul kezdesýdi asyǵa kútýde. Sol sebepti biz boks keshin osy jerde, Los-Andjeleste ótkizemiz. Bul jekpe-jekti munda barlyǵy kórgileri keledi. Alǵashqy kezdesý «Jyldyń úzdik jekpe-jegi» ataǵyna basty úmitkerlerdiń biri bolatyn. Osyǵan qaraı barlyǵy da osy sportshylardyń alańǵa shyqqanyn kútip otyr»,-dedi Leffler.
