Golovkınniń promoýteri qazaqstandyq boksshy qyzdyń tıtýldyq jekpe-jegi týraly málimdeme jasady

NUR-SULTAN. QazAqparat – Orta salmaqtaǵy chempıon Gennadıı Golovkınmen jumys isteıtin promoýter Tom Leffler jeńil salmaqta WBC International tıtýlyna úmitker qazaqstandyq boksshy Aıda Satybaldınova (6-2-1, 2 KO) men amerıkalyq Chelsı Anderson (5-0 , 2 KO) arasyndaǵy ashyq jattyǵý týraly aıtty. Bul týraly QazAqparat Sports.kz saıtyna silteme jasap habarlaıdy.

Olar 4 tamyzda Montebelloda (Kalıfornııa shtaty, AQSh) judyryqtasady. Al ol Qazaqstan ýaqyty boıynsha 5 tamyz kúni tańerteń bolady.

«Jeńil salmaqtaǵy WBC International tıtýlyna judyryqtasatyn osy eki sportshy úshin bul – keremet medıa-jattyǵý. «Ledı Sparta» - Chelsı Meı Anderson jekpe-jegi 4 tamyzda UFC Fight Pass-ta ótedi. Barlyq otyratyn oryndarǵa bıletter satyldy. Qazir túregep turatyn oryndarǵa satylatyn bıletterdiń shekteýli sany 360 Promotions-ta qoljetimdi», - dep jazdy Tom óziniń Twitter-degi paraqshasynda sportshylardyń ashyq jattyǵýlardaǵy fotosýretterimen bólisip.

Foto: sports.kz