Golovkınniń promoýteri «Kanelomen» úshinshi aıqas ótetin kúndi aıtty

NUR-SULTAN. QazAqparat - IBF/IBO tujyrymdary boıynsha orta salmaqtaǵy álem chempıony Gennadıı Golovkınmen yntymaqtasyp jatqan promoýter Eddı Hırn GGG-diń basty qarsylasy Saýl «Kanelo» Alvarespen úshinshi aıqasy týraly pikirimen bólisti, dep habarlaıdy Sports.kz.

«Gennadıı maýsymda mindetti qarsylasymen aıqasady. Sondaı-aq, «Kanelomen» úshinshi aıqas ta bolýy kerek. Bul bokstaǵy mańyzdy jekpe-jekterdiń biri. Golovkın bul jekpe-jektiń ótkenin qatty qalaıdy. DAZN men «Kanelo» ony qýana ótkizedi dep senemin. Sondyqtan, qyrkúıekte «Kanelo» - GGG aıqasyn kóremiz dep úmittenemin», - dedi Hırn beIN SPORTS USA-ge bergen suhbatynda.