Golovkınniń promoýteri «Kanelomen» aıqastan túsýi múmkin tabysty aıtty

ASTANA. QazAqparat - Qazaqstandyq boksshy Gennadıı Golovkınniń (38-0-1, 34 KO) promoýteri Tom Leffler  burynǵysha meksıkalyq Saýlm Alvarespen (49-1-2, 34 KO) rematch qazirgi ýaqyttaǵy eń iri aıqas bolatyndyǵynan senimdi, dep habarlaıdy Sports.kz.

«Kanelomen rematch - bokstaǵy eń aıtýlysy. Olar birinshi jekpe - jekte  sporttyq mansaptarynda úlken serpilis jasady. Sondaı-aq, Las-Begastaǵy bılettiń satylýynan túsken tabys boıynsha úshinshi oryndy ıelendi. Eger bul rematch ótetin bolsa, odan da joǵary bolýy yqtımal»,- dep atap ótti Leffler.

Eske sala ketsek, Golovkın men «Kanelonyń» alǵashqy aıqasy ótken jyldyń qyrkúıeginde Las-Vegasta ótken edi. Ol  talas týdyratyndaı teń aıaqtalǵan bolatyn. 1,3mln bılet satylǵan.