Golovkınniń promoýteri «Kanelomen» aradaǵy qarjylyq daýdyń mán-jaıyn ashyp berdi

ASTANA. QazAqparat - Gennadıı Golovkınniń (38-0-1, 34 KO) promoýteri Tom Leffler ekinshi kezdesý aldynda Saýl Alvarestiń komandasy qandaı qarjylyq sharttardy alǵa tartyp otyrǵandaryn aıtty, dep habarlaıdy Sports.kz.

«Gennadıı aıtaryn aıtty: «Men tek tabystyń ádiletti bólingenin qalaımyn. ıAǵnı, 50-de 50. Men - chempıonmyn» dedi. Biz alǵashqy aıqas aldynda birshama keri shegingen bolatynbyz. ıAǵnı, paıyzymyz az edi. Golovkın óziniń sheber ekenin moıyndatqan soń da, biz ekinshi aıqas aldynda birshama artyqshylyqtardy bergen bolatynbyz. Biraq, «Kanelo» qandaı da bir sebeppen aýqymdy basymdyqqa ıe bolýy kerektiginen taıatyn emes... Demek, tabystyń 65-te 35 paıyzda bólingenin qalaıdy. Gennadıı bolsa buny ádiletsizdik dep otyr. Chempıon retinde 35 paıyzdy qabyldaý - bul ádil emes», - deıdi Leffler.

Eger taraptar bir mámilege keletin bolsa, Golovkınniń «Kanelomen» ekinshi aıqasy 15 qyrkúıekte - Meksıkanyń táýelsizdik kúninde ótýi múmkin.