Golovkınniń promoýteri «Kaneloǵa» qoıylǵan qarjylyq talaptardyń sebebin atady

ASTANA. QazAqparat - WBA/WBC/IBO/IBF tujyrymdary boıynsha orta salmaqtaǵy álem chempıony Gennadıı Golovkınniń promoýteri Tom Leffler boksshynyń Saýl Alvarespen ekinshi aıqasta joǵary syıaqy alýdy qalaıtyn negizgi eki sebebin atady, dep jazady Sports.kz.

«Gennadıı byltyr qyrkúıektegi alǵashqy shoýdaǵy tabysy men 5 mamyrda jekpe-jektiń bolmaýyna baılanysty aqysyn ádil túrde alǵysy keledi», - dedi Leffler ESPN Deportes-ke bergen suhbatynda.

Golovkın bokstan túsken qarjyny 50 de 50 etip bólýdi surap otyr. Al, Golden Boy Promotions oǵan tek tabystyń 35% tóleýge daıyn. Osyǵan baılanysty qyrkúıektegi ekinshi aıqas týraly boksshy taraptarynyń kelissózderi tyǵyryqqa tireldi.