Golovkınniń promoýteri: «Kanelo» meksıkalyq ekenin dáleldesin

ASTANA. QazAqparat - Gennadıı Golovkınniń (38-0-1, 34 KO) promoýteri Tom Leffler meksıkalyq Saýl Alvareske (49-1-2, 34 KO) qarsy ótetin aldaǵy jekpe-jek týraly pikir bildirdi, dep habarlaıdy Sports.kz.

«Kanelo» shabýylǵa baı jekpe-jek pen nokaýt bolady dep ýáde berip otyr. Biraq únemi qorǵanysta júrseń eshkimdi de jyǵa almaısyń. Alvaresti de moıyndaý kerek, ol on eki raýnd boıy shydady, biraq ol «aman qalýdyń» qamyn oılady. Biz «Kanelodan» kútken myqty aıqasty kórgen joqpyz. Endi, birinshi kezdesýden keıin onyń aılasy artyp, ózine senimdirek boldy. Demek, osy jolǵy jekpe-jekte kóbirek shabýyldaýy múmkin. Eger ol shynymen meksıkalyq bolsa, muny dáleldesin. Biraq ol birinshi aıqasta múlde basqasha bokstasty. Odan ne kútýge bolatynyn bilemiz. GGG jekpe-jekti qarqyndy bastaıdy. Endi Golovkın mundaı qorǵanys ádisine meılinshe daıyn», - deıdi Leffler.

Eske sala keteıik, «Kanelo» - GGG rematchy 15 qyrkúıek kúni Las-Vegasta ótedi.