Golovkınniń promoýteri GGG «izbasaryn» atady

ASTANA. QazAqparat - Amerıkalyq promoýter Tom Leffler 23 jastaǵy ýkraındyq nokaýtshy Sergeı Bogachýkti (10-0, 10 KO) orta salmaqtaǵy álem chempıony Gennadıı Golovkın (38-0-1, 34 KO) sııaqty bıik shyńdardy baǵyndyra alady dep esepteıdi, dep habarlaıdy Sports.kz.

«Bogachýktiń áleýeti zor. Abel Sanches - ol úshin myqty bapker. Onyń jattyǵýlarda qalaı jumys isteıtinin, Golovkın men Gassıevten qalaı úırenip jatqanyn kórip júrmin. Onyń bolashaǵy alda.

Bogachýk Bıg Bear jattyǵý lagerinde Golovkınmen, Gassıevpen jáne basqalarmen jattyǵyp jatyr. Jastar osyndaı boksshylardan úırenýleri tıis. Sergeı olarmen birge jumys isteı otyryp, ósip jatyr. Adamdarǵa Sergeıdiń rıngte kórsetip jatqany unaıdy. Adamdar nokaýtty unatady. Maık Taıson nege tanymal boldy? Sebebi, ol bárin nokaýtqa túsiretin. Bogachýk nokaýttyń arqasynda Golovkın sııaqty tanymal bolady dep oılaımyn. Onyń uly chempıon bolýǵa áleýeti bar», - dedi Leffler Luckypunch.net jobasyna bergen suhbatynda.