Golovkınniń promoýteri Djeıkobspen kelissózdiń barysy jaıly aıtty
ASTANA. QazAqparat - Qazaqstandyq boksshy Gennadıı Golovkınniń promoýteri Tom Leffler ESPN-ge bergen suhbatynda amerıkandyq Denıel Djeıkob komandasymen aradaǵy kelissóz jaıynda aıtty, dep habarlaıdy Sports.kz.
Budan buryn Búkilálemdik boks qaýymdastyǵy (WBA) promoýterlerge eki jaq qol qoıǵan kelisimshartty 7 kúnniń ishinde usynýlaryn talap etken bolatyn. Ondaı bolmaǵan jaǵdaıda aıqas promoýterlik saýda-sattyqqa qoıylmaq.
«Ádette olar 10 kún beretin - bul standart, biraq merzimniń uzartylýy boksshynyń kestesine jeke kestesine sáıkes 12 nemese 14 kún bolýy da múmkin. Meniń oıymsha, mámile jasalatyn shyǵar. Óıtkeni ár sóılesken saıyn El Heımon maǵan Djeıkobstyń aıqasqysy keletindigin aıtty, endi tek keıbir máseleler ǵana qaldy, onymen jumys istep jatyrmyz»,-dedi Leffler.
Golovkın - Djeıkobs aıqasy 10 jeltoqsanda ótýi tıis edi, biraq tabysty bólý jaǵyn promoýterler retteı almaǵandyqtan jekpe-jek shamamen naýryzǵa aýystyryldy.
Eske sala ketsek, tártip boıynsha gonorar WBA tıtýlynyń ıegeri Golovkınniń paıdasynda 75 te 25 paıyz bolýy tıis. Biraq Heımon muny 60/40-qa ózgertýdi surady. WBA olardyq apellıatsııasyn qabyldaǵan joq.
