Golovkınniń promoýteri 5 mamyrdaǵy jekpe-jekke úmitkerler jaıly aıtty

ASTANA. QazAqparat - 5 mamyr kúni Las-Vegasta (Nevada shtaty, AQSh) orta salmaqta WBC, WBA Super, IBF, IBO nusqalary boıynsha álem chempıony Gennadıı Golovkınniń (37-0-1, 33 KO) tıtýldaryn erikti túrde qorǵaýyna týra keledi, dep jazady SPORTINFORM SAA.

Meksıkalyq Saýl Alvares (49-1-2, 34 KO) jekpe-jekten bas tartqan soń, Golovkınniń promoýteri Tom Leffler (360/GGG Promotions) táýir qarsylas izdep jatyr, óıtkeni jekpe-jek AQSh-ta NVO arnasy arqyly PPV aqyly júıesi arqyly kórsetiledi.

Buǵan deıin Nevada shtatynyń Atletıkalyq komıssııasy (NSAC) 21 jastaǵy meksıkalyq boksshy Haıme Mýngýııa (28-0, 24 KO) kandıdatýrasyna ruqsat bermegen edi.

«Jýyq arada qarsylastyń esimin jarııalaımyz dep oılaımyn. Barlyǵy da NSAC-tyń sheshimine baılanysty bolyp tur. Alvares basqa amaly bolmaǵan soń jekpe-jekten bas tartty. Qazir Kanelo jattyǵyp, revanshqa daıyndalyp jatyr. Ol da 5 mamyrda jekpe-jek ótkizgisi keledi», - deıdi Leffler.