Golovkınniń óz jankúıerleri joq, promoýterleri nashar - Freddı Roých
ASTANA. QazAqparat - WBC chempıony Mıgel Kottonyń bapkeri Freddı Roých qazaqstandyq boksshy Gennadıı Golovkınniń óz jankúıerleri joq, promoýterleri nashar dep esepteıdi.
Onyń aıtýynsha, Kotto ázirge 13 jeltoqsan kúni ótetin kelesi qarsylasyn anyqtaǵan joq, degenmen ol Golovkınniń kandıdatýrasyn birden syzyp tastaǵan. Sebebi qazaqstandyq boksshy qajetti qarajatty jınaı almaıdy dep oılaıdy.
«Kottoda 13 jeltoqsanda jekpe-jek josparlanǵan», - dep keltiredi ESPN Roýchtyń sózin. «Qarsylasty áli kúnge deıin anyqtaǵan joqpyz. Ony tańdaý qajet. Golovkın Mıgelmen kezdesýge nıet tanytqanyn bilemin, biraq ol jekpe-jek bolmaıdy, óıtkeni Golovkın kezdesýge qajetti qarajatty jınaı almaıdy. Gennadıı - jaqsy boksshy, biraq onyń turaqty óz jankúıerleri joq. Promoýterler onyń tanymaldyǵyn arttyrý jolynda óte nashar jumys isteýde».
