Golovkınniń óz promoýterinen ketetindigi ras pa - Demıanenkonyń pikiri

ASTANA. QazAqparat - Jurtshylyqqa tanymal jáne bedeldi amerıkalyq Los Angeles Times gazetiniń jazýynsha, «kásibı bokstaǵylar arasynda qazaqstandyq Gennadıı Golovkınniń  óz promoýteri Tomom Lefflermen yntymaqtastyǵyn toqtatýy múmkin degen alyp-qashpa áńgime aıtylyp júr».  

Osyǵan oraı sports.kz QR Kásibı boks federatsııasynyń vıtse-prezıdenti Vıktor Demıanenkonyń pikirin bilgendi jón kórgen. 

«Negizinde Tom Leffler Golovkın úshin kóp nárse jasady. Ony Amerıkaǵa apardy jáne televıdenıemen óte jaqsy qarym-qatynas ornatýyna qol jetkizdi. Múmkin qazir GGG Meıvezer tárizdi ózi promoýter, ózi menedjer bolǵysy keletin de shyǵar. Men ne sebepti onyń  Lefflermen arasyndaǵy qarym- mundaı qatynastyń bulaısha órbigendigin, olardyń kelisimshartty nelikten buzbaq bolǵandyqtaryn bilmeımin. Bul áńgime qanshalyqty shyndyqqa janasatyndyǵyn da bilmeımin. Múmkin qazirgi kezeńde olardyń kelisiminiń ýaqyty da bitken shyǵar. Sondyqtan bul máseleni qarastyryp jatqan bolar», -degen óz oıyn jetkizdi maman.