Golovkınniń qytaılyq izbasary 12 kezdesýinde jeńiske jetti

ASTANA. QazAqparat - Qytaıdyń qazaqtar shoǵyrlanǵan óńiri Altaı aımaǵynda turatyn qandasymyz, 22 jastaǵy kásipqoı boksshy Beısenbi Násıollauly (10-0-1, 5KO) 12 kezdesýinde qarsylasynan basym túsip, sýper jeńil salmaq dárejesi boıynsha (WBA) Qytaı chempıony belbeýin qorǵap qaldy.

Qytaıdyń Hanchjoý qalasynda bolǵan kezdesýde Beısenbi jańazelandııalyq Lekı Makany (9-0-0, 3KO) 10 raýndqa sozylǵan aıqasta aıqyn basymdylyqpen (99:92,98:92,98:92) tize búktirdi.



Qytaılyq jankúıerleri Golovkınniń izbasary dep «OneG» atap ketken Beısenbi kásibı rıngte jalpy 12 kezdesý ótkizip, 11 aıqasta jeńiske jetken (5 nokaýt) jáne bireýinde teń túsken. Al bul Beısenbiniń 2016 jyly ótkizip otyrǵan 5 kezdesýi, sondaı aq ekinshi ret Qytaı chempıony belbeýin qorǵaýy.

«Bul meniń alǵashqy ret eresekter arasyndaǵy aıqasqa shyǵýym, Qarsylasym áli jeńilip kórmegen tájırbeli boksshy. Bul meniń ekinshi ret Qytaı chempıony ataǵyn qorǵaýym. Endi Azııa qurlyǵynyń ataǵyna talpynatyn josparym bar. Qazaq eliniń 25 jasqa tolyp otyrǵan qýanyshty kúninde jeńiske jetkenimdi maqtan tutamyn jáne bul jeńisimdi alystaǵy aǵaıyn atynan Táýelsiz Qazaqstannyń 25 jyldyǵyna arnaǵym keledi», - dedi ol QazAqparat tilshisine bergen suhbatynda.



Eske sala keteıik, Beısenbi buǵan deıin WBC nusqasy boıynsha bokstan jastar arasyndaǵy álem chempıony (WBC World Youth Champion) jáne WBA boıynsha Qytaı chempıony atanǵan bolatyn.



Buǵan deıin Beısenbiniń Qazaqstandyq kásipqoı boksshy Qanat Islamnyń týǵan jeri Altaıdyń Qaba aýdanynda taǵy bir Qazaq boksshysynyń shyqqanyn habarlaǵan bolatynbyz.