Golovkınniń kúshti qarsylastarynyń biri - Saýl Alvares WBC nusqasy boıynsha orta salmaqtaǵy chempıon atandy
ASTANA. QazAqparat - Meksıkalyq boksshy Saýl Alvares (46-1-1, 32 KO) keshe Meksıkada WBC nusqasy boıynsha orta salmaqtaǵy chempıon retinde tanystyryldy, dep habarlady sports.kz.
«WBC nusqasy boıynsha orta salmaqtaǵy tıtýlǵa ıe bolý úshin keldim. Eki salmaq dárejesinde chempıon atanýyma múmkindik bergen Dúnıejúzilik Boks Keńesine rızamyn. Men úshin bul úlken qadam jáne men mamyr aıynda ótetin jekpe-jekti kútip otyrmyn», - dedi Kanelo.
Osylaısha Alvares 2016 jyldyń mamyrynda ony sharshy alańda kóretinimizdi aıtty. Qazaqstandyq Gennadıı Golovkınmen (34-0, 31 KO) kezdeser aldynda Saýl ózge boksshymen jekpe-jekke shyǵýy múmkin. Ázirge qarsylasynyń esimi atalmaı otyr.
