Golovkınniń komandasy qyrkúıekte Kanelomen bolatyn jekpe-jekten bas tartty
NUR-SULTAN. QazAqparat - Qazaqstandyq boksshy Gennadıı Golovkınniń bapkeri Djonatan Benks orta salmaqtaǵy IBF jáne IBO chempıony 12 qyrkúıekte WBA chempıony Saýl Alvareske qarsy jekpe-jektiń bolmaıtynyn málimdedi, dep habarlaıdy QazAqparat jańalyqtaryna silteme jasap.
«Kanelonyń» komandasy qyrkúıek aıynda bolatyn aıqas týraly habarlasty, biraq men bas tarttym. Bizdiń josparymyz - Kamıl Sheremetaǵa qarsy, sodan soń taǵy bir jekpe-jek ótkizý.
Sodan keıin biz «Kanelomen» judyryqtasýǵa daıyn bolamyz. Buryn biz Alvares komandasyna aıqasqa daıynbyz dep júgingen edik, biraq olar bas tartqan bolatyn. Ol óz qalaǵanyn jasady. Qazir «Kanelo» Golovkınmen judyryqtasýǵa daıyn ekenin aıtýda. Biraq Gennadııdiń basqa josparlary bar. Eger olar bul jekpe-jektiń bolǵanyn qalasa, keıinirek bolady. Biz muny birge jasaýymyz kerek», - dedi Benks.
Eske sala keteıik, GGG orta salmaqtaǵy IBF tıtýlyn qorǵaý úshin mindetti túrde jekpe-jek ótkizýi kerek . Maýsym aıynda Golovkın polıak boksshysy Kamıl Sheremetamen kezdesýdi josparlaǵan bolatyn. Óz kezeginde, Kanelo mamyr aıynda brıtandyq Bıllı Djo Sonderspen judyryqtasýy kerek edi.
