Golovkınniń komandasy Kertıs Stıvenspen kezdesýge usynys jasady
ASTANA. 10 tamyz. QazAqparat - WBA nusqasy boıynsha ortasha salmaqta álem chempıony 31 jastaǵy Gennadıı Golovkınniń promoýteri Tom Leffler 28 jastaǵy amerıkandyq Kertıs Stıvenstiń komandasyna qazaqstandyq boksshynyń kelesi qarsylasy atanýǵa shaqyryp usynys tastady, dep habarlady vesti.kz Allboxing.ru saıtyna silteme jasap.
Main Events promoýterlik kompanııasynyń prezıdenti Ketı Dýva óz kezeginde bul usynysqa qatysty sheshimin kelesi aptada habarlaýǵa ýáde etti. Eger komandalar ózara kelisimge kelse, 2 qarasha kúni eki boksshy sharshy alańǵa kóterilip bir-birine qarsylas atanady. Kezdesýdi HBO telearnasy kórsetedi.
Eske sala ketsek, 30 maýsym kúni Golovkın brıtandyq Mettıý Maklındi eseńgiretip, WBA nusqasy boıynsha álem chempıony ataǵyn kezekti márte qorǵap qalǵan bolatyn. Al Stıvens sońǵy ret 4 tamyz kúni meksıkandyq Saýl Romanmen kezdesip, 1-raýndta-aq jeńiske jetken bolatyn.
