Golovkınniń kelesi jekpe-jegin kimmen ótkizetindigi belgili boldy

NUR-SULTAN. QazAqparat – Belgili meksıkalyq jýrnalıs Hose Lýıs Komarılonyń aıtýynsha, Haıme Mýngııa Meksıkanyń Táýelsizdik kúni qarsańynda Gennadıı Golovkınmen kezdespek, dep habarlaıdy Sports.kz.

«Meksıkanyń Táýelsizdik kúninde «Kanelonyń» ornyna Haıme Mýngııa jekpe-jek ótkizedi. Qarsylas retinde Gennadıı Golovkın tańdalatyn bolar, al jekpe-jek Las-Vegasta ótedi», - dep jazdy Komarılo.

Eske sala keteıik, buǵan deıin Saýl «Kanelo» Alvares 14 qyrkúıek kúni jekpe-jek ótkizbeıtinin málimdegen bolatyn. Soǵan baılanysty, sarapshylar orta salmaqtaǵy eń jaqyn aıtýly aıqas Golovkın men Mýngııa arasynda bolady dep boljap otyr. Ári jas meksıkalyqtyń komandasy da Golovkınmen aradaǵy jekpe-jekke qyzyǵýshylyq tanytqan.