Golovkınniń kelesi jekpe-jegi jáne «Kanelomen» aıqasatyn kúni belgili boldy

NUR-SULTAN. QazAqparat - IBF jáne IBO tujyrymdamalary boıynsha orta salmaqtaǵy álem chempıony, qazaqstandyq boksshy Gennadıı Golovkınniń aldaǵy jekpe-jekteri ótetin kúnder belgili boldy. Bul týraly QazAqparat Sports.kz saıtyna silteme jasap habarlaıdy.

GGG-diń teń promoýteri Eddı Hırn DAZN-men áńgimelesý kezinde boksshynyń Polsha boksshysy Kamıl Sheremetamen IBF tıtýlyn mindetti qorǵaý úshin kelisimshartqa qol qoıǵanyn aıtty. Bul kezdesý qarasha aıynda ótýi tıis.

Budan keıin Golovkın kelesi jyldyń mamyr aıynda meksıkalyq Saýl Alvarespen úshinshi jekpe-jek ótkizýdi josparlap otyr. Bul judyryqtasý «Kanelonyń» súıikti kúnderiniń biri – Sınko de Maıo merekesine (5 mamyrda atap ótiledi) oraılastyrylǵan.