Golovkınniń kelesi jekpe-jegi týraly kelissózder bastaldy

ASTANA. QazAqparat - Qazaqstandyq boksshy Gennadıı Golovkınniń (38-1-1, 34 KO) promoýteri Tom Leffler WBA Super tujyrymdamasy boıynsha sýperorta salmaqtaǵy álem chempıony Kallým Smıtpen (25-0, 18 KO) jekpe-jekke qatysty kelissózderdi bastady, dep jazady Sports.kz.

Talksport.com jýrnalısti Maıkl Benson Tvıtterde Kallýmnyń promoýteri Eddı Hırn Lefflermen kelissózderdi bastaǵanyn rastap, jekpe-jektiń ótetin kúni men ornyn aıtqanyn jazdy.

«Eddı Hırn búgin Tom Lefflermen kelesi jyldyń mamyr aıynda «Enfıldte» Kallým Smıt pen Gennadıı Golovkın arasynda WBA jáne  The Ring jýrnalynyń ekinshi orta salmaqtaǵy tıtýldary úshin ótkiziletin aıqas týraly sóıleskenin baıandady», - dep jazdy Benson Tvıtterde.

Eske sala keteıik, qyrkúıek aıynda Smıt WBA Super tujyrymdamasy boıynsha chempıon atanyp, sondaı-aq ekinshi orta salmaqta Búkilálemdik boks sýperserııasynda (WBSS) jeńiske jetti.