Golovkınniń kelesi jekpe-jegi qashan ótedi

NUR-SULTAN. QazAqparat – ESPN Deportes málimeti boıynsha, IBF jáne IBO nusqalary boıynsha orta salmaqta álem chemptony Genadıı Golovkınniń (40-1-1, 35 KO) kelesi jekpe-jegi 20 qarashada ótedi, dep habarlaıdy QazAqparat Sports.kz saıtyna silteme jasap.

GGG qarsylasy – IBF jelisi boıynsha mindetti úmitker polıak boksshysy Kamıl Sheremeta (21-0, 5 KO). Qazaqstandyq kórermender jekpe-jekti 21 qarasha senbi kúni tańerteń tamashalaı alady.

Sharany uıymdastyrýshylardyń derekkózderi boıynsha DAZN strımıng platformasy jyldyń sońǵy aptalarynda Terens Kroýford, Errol Spens, Entonı Djoshýa, Mıgel Berchelt, Oskar Valdes, Taıson Fýrı, sondaı-aq Maık Taısonnyń Roı Djonspen bolatyn aıqasy qamtylǵan tyǵyz kesteni eskere otyryp, juma kúnderi boks shoýlaryn ótkizýdi josparlap otyrǵanyn habarlady.

Buǵan deıin Golovkın- Sheremetanyń jekpe- jegi 21 qarasha (Qazaqstan ýaqyty boıynsha 22 qarasha kúni tańerteń) bolatyn. Ótetin orny – Los-Andjeles mańyndaǵy Karson.