Golovkınniń kelesi qarsylasymen júrgizgen kelissózderi týraly belgili boldy

ASTANA. QazAqparat – Boxingscene.com jýrnalısi Djeık Donovan WBA Super, IBF jáne IBO nusqalary boıynsha álem chempıony Gennadıı Golovkın men orta salmaqtaǵy meksıkalyq Haıme Mýngııanyń jekpe-jegi jaqyn arada bolmaıtynyn atap ótti, dep habarlaıdy QazAqparat Sports.kz saıtyna silteme jasap.

Kúni keshe Mýngııa qazaqstandyq boksshy Jánibek Álimhanulymen WBO sanktsııalaǵan jekpe-jekten bas tartqany belgili boldy.

«Mýngııa buǵan deıin BoxingScene.com -ǵaWBC orta salmaqtaǵy chempıony Djermall Charlomen (32-0, 22 KO) jáne WBA/IBF birikken chempıony Gennadıı Golovkınmen úlken jekpe-jek ótkizgisi keletini týraly aıtqan bolatyn.

Sońǵy nusqa boıynsha jekpe-jektiń ótýi ekitalaı. Óıtkeni Golovkınge (42-2-1, 37 KO) eki mindetti tıtýldy qorǵaý júktelgen. IBF reıtıngiside birinshi Eskıva Falkaomen kelissózder jalǵasyp jatyr. Sodan keıin jeńimpaz WBA-nyń mindetti qarsylasy jáne kishi chempıony Erıslandı Laramen kezdesýi múmkin. Buǵan deıin bul jekpe-jekke tapsyrys berilgen bolatyn. Alaıda ruqsat etýshi organdar Falkaoǵa rotatsııada birinshi bolýǵa ruqsat bergen kezde jekpe-jek keıinge qaldyrylǵan», - dep jazylǵa materıalda.

Foto: sports.kz