Golovkınniń kelesi qarsylasy anyqtaldy
ASTANA. QazAqparat - Brıtanııalyq kásibı boksshy Martın Mıýrreı (28-1-1, 12 KO) jaqynda ǵana chempıondyq tıtýlyn qorǵap qalǵan qazaqstandyq Gennadıı Golovkınniń kelesi qarsylasy bolmaq, dep habarlaıdy Sports.kz.
Ol osy aptanyń sońynda ıtalııalyq boksshy Domınık Spadpen qolǵap túıistiredi. Sodan keıin ol Golovkınmen sharshy alańǵa shyqpaq.
«Meniń oıymsha, Golovkın - orta salmaqtaǵy eń myqty boksshy. Degenmen, men orta salmaqtaǵy boksshylardyń qaı-qaısysyna bolmasyn qarsy tura alam. Gennadıdiń burynǵy qarsylastary moraldyq turǵyda daıyn bolmaı shyǵatyn. Al men ondaı sportshylardan emespin, oǵan laıyqty qarsylas bolý úshin qolymnan kelgenniń barlyǵyn jasaımyn», - deıdi Mıýrreı.
Esterińizge salamyz, Gennadıı Golovkın 19 qazanda meksıkalyq boksshy Marko Antonıo Rýbıony 2-raýndta nokaýtpen jeńgen bolatyn. Bul qazaqstandyq boksshynyń kásibı bokstaǵy 31-jeńisi bolyp tirkeldi, onyń 28-inde qarsylastaryn esinen tandyra sulatqan.
