Golovkınniń kelesi aıqasy qaıda ótetini belgili boldy

NUR-SULTAN. QazAqparat - The Ring jýrnaly qazaqstandyq boksshy Gennadıı Golovkınniń (40-1-1, 35 KO) kelesi jekpe-jegin qaıda ótkizetini týraly jazdy, dep habarlaıdy Sports.kz.

Onyń qarsylasy - Polsha boksshysy Kamıl Sheremeta (21-0, 5 KO), aıqas AQSh-tyń Chıkago qalasynda bolady. Judyryqtasýdyń ótetin kúni ázirge belgisiz, alaıda promoýter Eddı Hırn onyń tamyz aıynda uıymdastyrylatyndyǵyna úmittenip otyr.

Eske sala ketsek, Golovkınniń Sheremetamen jekpe-jegi aqpan aıynan beri birneshe ret túrli sebeptermen keıinge qaldyrylǵan. Bul rette, boksshylar judyryqtasatyn oryn belgili boldy – bul Chıkagonyń Wintrust Arena-cy. Sheremetamen aıqasta Golovkınniń IBF tujyrymdamasy boıynsha orta salmaqtaǵy álem chempıony ataǵy báske tigiledi.