Golovkınniń qarsylasy óziniń jeńiske jetý múmkindigi týraly ashyq aıtty

NUR-SULTAN. QazAqparat – Polsha boksshysy Kamıl Sheremeta (21-0, 5 KO) óziniń qazaqstandyq Gennadıı Golovkınmen (40-1-1, 35 KO) aıqasynda jeńiske jetetindigine eshkimniń senbeıtindigin moıyndady, dep habarlaıdy Sports.kz.

«Men jattyǵýymdy jalǵastyrýdamyn jáne daıyndalýdamyn. Óıtkeni bul men úshin múmkindik. Jurttyń 99,9% meniń Golovkındi jeńetinime senbeıtindigi meni esh tolǵandyrmaıdy.

Men úshin eń bastysy maǵan senetin - 0,01% jankúıerim, otbasym, áıelim, balalarym bar. Alǵa qoıǵan maqsatym, armanym bar, men soǵan umtylýdamyn»,- dedi Sheremeta.

Aıta ketsek, Golovkın men Sheremetanyń jekpe-jegi tamyz aıynda, Chıkago qalasynda (Illınoıs shtaty, AQSh) ótedi dep kútilýde.