Golovkınniń qarsylastary ishinde eń uzaqqa shydaǵan Mıýrreı jeńilip kórmegen afrıkalyqty súrindirdi
ASTANA. QazAqparat - Brıtandyq boksshy Martın Mıýrreı nemis shyqqan tegi nıgerııalyq Nýhý Lavaldiń ekinshi orta salmaqtaǵy WBA qurlyqaralyq tıtýly úshin bolǵan aıqasta jeńiske jetti, dep habarlaıdy "Chempıonat.com".
Monte-Karloda bolǵan jekpe-jek tóreshilerdiń sheshimimen brıtandyqtyń jeńisimen aıaqtaldy. Mıýrreı aıqas barysynda birneshe ret eskertý alyp, sondaı-aq 12 raýndta kindikten tómen soqqy jasaǵany úshin upaıyn joǵaltqanymen tóreshiler 116-111, 117-110, 117-110 esebimen onyń jeńgendigi jóninde sheshim shyǵardy.
Bul 34 jastaǵy Mıýrreıdiń kásibı rıngtegi 34-inshi jeńisi. Ol tórt ret jeńilip, bir ret teń túsken.
Al 34 jastaǵy Laval óz sporttyq jolynda alǵash ret jeńilistiń aşy dámin tatty. Buǵan deıin onyń esebinde 23 jeńis bolǵan edi.
Eske sala ketsek, Mıýrreı 2015 jyly aqpanda qazaqstandyq Gennadıı Golovkınmen jekpe-jek ótkizgen. Aıqasta 11 raýndta GGG tehnıkalyq nokaýtpen jeńdi. Onyń qorytyndysy boıynsha Golovkınniń qarsylastary ishinde brıtandyq rıngte eń uzaqqa shydaǵan boksshy atandy.
