Golovkınniń «Kanelomen» taǵy kezdesýine jalǵyz múmkindigi bar

ASTANA. QazAqparat - Boxingnews24.com tilshisi Shon Djons qazaqstandyq boksshy Gennadıı Golovkınniń DAZN TV-platformasymen kelisimge qol qoıý bolashaǵyn baǵalady, dep habarlaıdy Sports.kz.

«Eger GolovkınDAZN-men kelisimshartqa qol qoısa, ol Saýl Alvares, Kallým Smıt, Demetrıýs Andrade, Denıel Djeıkobs jáne  Rokkı Fıldıngpen jekpe-jek ótkizý múmkindigine ıe bolady. Sondaı-aq DAZN-nyń Djermall Charlomen kelisim ornatsa tamasha bolar edi», - dep jazdy avtor.

Buǵan deıin DAZN basshysy Eddı Hırn onyń kompanııasymen kelisimshart ornatý - Golovkın úshin «Kanelomen» úshinshi jekpe-jek ótkizýdiń jalǵyz múmkindigi ekenin aıtqan bolatyn. Olardyń birinshi aıqasy 2017 jyldyń qyrkúıeginde ótip, teń aıaqtalǵan. Eki boksshynyń bir jyldan keıin ótken jekpe-jegi tóreshilerdiń kópshiligini sheshimimen Alvarestiń jeńisimen aıaqtaldy.