Golovkınniń Kanelomen alǵash ret kóz arbasqan sáti
ASTANA. QazAqparat - Búgin Las-Vegasta ótken boks keshinen keıin Saýl "Kanelo" Alvares pen Gennadıı Golovkıngiń jekpe-jegine arnalǵan baspasóz máslıxaty ótti. Sol jede eki boksshy alǵash ret kóz arbasty, dep xabarlaıdy QazAqparat tilshisi.
Aıta keteıik, búgin Saýl Alvares óziniń jerlesi - kishi Chavesti jeńgennen keıin rıngke Gennadıı Golovkındi shaqyrdy. Sol jerde eki boksshy aǵymdaǵy jyly 16 qyrkúıek kúni judyryqtasatynyn málimdedi. «Bul joly basqa oqıǵa bolady. Qyrkúıekte Big Drama Show bolady. Búgingideı uly aıqas bolǵaly tur. Saýldi búgingi jeńisimen quttyqtaımyn. Ol meniń mansabymdaǵy eń úzdik qarsylasym bolmaq. Qyrkúıekti kútińizder. "Kaneloǵa" ne deımin? Qyrkúıekte kezdeskenshe!» - dedi Golovkın rıngte kommentator jáne HBO júrgizýshisi Maks Kellermannyń suraǵyna jaýap bere otyryp .
WBA Super, WBC, IBF jáne IBO nusqasy boıynsha orta salmaqtaǵy álem chempıony, qazaqstandyq Gennadıı Golovkın osy ýaqytqa deıin 37 jekpe-jek ótkizip, birde-bir ret jeńilip kórmegen. GGG kásibı bokstaǵy 33 jekpe-jegin nokaýtpen aıaqtady. Al Saýl «Kanelo» Alvarestiń 49 ret jeńiske jetip, 1 ret jeńilgen jáne 1 ret teń nátıje kórsetken.
