Golovkınniń IBF tıtýlynan aıyrylýy tabysyna áser ete me

ASTANA. QazAqparat - The Ring jýrnalynyń tilshisi Maık Koppındjer qazaqstandyq Gennadıı Golovkınniń orta salmaqtaǵy IBF álem chempıony tıtýlynan aıyrylýy onyń tabysyna qalaı áser etetindigi týraly aıtty, dep habarlaıdy Sports.kz.

IBF ýkraındyq Sergeı Derevıanchenkomen jekpe-jekte mindetti qorǵaýyn keıinge qaldyrýǵa ruqsat etpese, qazirgi chempıon belbeýinen aıyrylýy múmkin.

«Eger IBF Derevıanchenkony qoldap sheshim shyǵarsa jáne Golovkındi tıtýlynan aıyrsa, 36 jastaǵy chempıonnyń kóńili qalady.  Oǵan belbeýler mańyzdy jáne ol úsh tıtýldy ózinde saqtap qalý úshin kóp eńbek etti. Biraq, qarjylyq jaǵynan oǵan bul áser ete qoımaıdy. Qazirgi tańda Golovkın juldyz sanalady jáne ol belbeýlerden joǵary tur. Ol úsh tıtýlmen de, tıtýlsyz da orta salmaqtaǵy álemniń úzdik boksshysy», - dep jazdy Koppındjer.