Golovkınniń esten tandyra nokaýtqa túsirgen sátterin YouTube-ke saldy
ASTANA. QazAqparat - Jelide Gennadıı Golovkınniń top -25 eń kúshti nokaýttary paıda boldy, dep habarlaıdy «QazAqparat» tilshisi.
Jarty saǵattyq rolıkti óziniń YouTube-arnasyna OBSESSED paıdalanýshy 20 aqpanda ornalastyrdy.
Reıtıngti 25-inshi pozıtsııamen, Londonda (Ulybrıtanııa) Golovkınniń brıtandyq Kell Brýkpen ótkizgen 2016 jylǵy qyrkúıektegi sońǵy aıqasy ashady.
Bul jekpe-jek 5 raýndta tehnıkalyq nokaýtpen qazaqstandyq boksshynyń jeńisimen aıaqtalǵan bolatyn.
Besinshi orynda - 2006 jylǵy 6 mamyrda Dıýsseldorfta (Germanııa) bolǵan Gaborom Balogpen aıqas. Onda Golovkın 1-raýndta (4 raýndtyq aıqas) qarsylasyn nokaýtqa túsirgen edi.
Tórtinshi nozıtsııada - 2014 jylǵy 18 qarashada Kalıfornııada (AQSh) uıymdastyrylǵan meksıkandyq Antonıo Rýbıomen aıqas. Jeńis qarsylasyn ekinshi raýndta (12 raýndtyq aıqas) sulatyp salǵan Gennadıı Golovkınge buıyrdy.
Úshinshi orynda - G9 dekabrıa 2011 jylǵy 9 jeltoqsanda Germanııanyń Kıl qalasynda ótken Golovkın - Saımon kezdesýi.
GGG amerıkandyq Lahýan Saımondy 1-raýndta (12 raýndtyq aıqas) esten tandyrdy.
Ekinshi oryn 2008 jyly 29 aqpanda germanııanyń Gambýrg qalasynda bolǵan ońtústikafrıkalyq boksshy Tshepo Mashegomen jekpe-jegine berildi. Ol 1-raýndta qazaqstandyq boksshynyń jeńisimen aıaqtaldy.
Al birinshi orynda - Golovkınniń 3 raýndta japondyq Nobýhıro Isıdany esten tandyrǵan (Monte-Karlo, Monako, 30.03.2013 j.) aıqas.
Eske sala ketsek, 18 naýryzda orta salmaqtaǵy WBA (Super), IBO, WBC jáne IBF nusqalary boıynsha álem chempıony qazaqstandyq boksshy Gennadıı Golovkın (36-0, 33 KO) jáne osy salmaqtaǵy WBA chempıonynyń «turaqty» belbeýiniń ıegeri amerıkandyq Denıel Djeıkobspen (32-1, 29 KO) jekpe-jegi josparlanyp otyr.
