Golovkınniń esimi 2020 jyldyń úzdik boksshylar reıtıngine endi
NUR-SULTAN. QazAqparat - Givemesport.com saıty byltyrǵy jyldyń úzdik boksshylarynyń tizimin jarııalady, olardyń arasynda qazaqstandyq sportshy Gennadıı Golovkın de bar, dep habarlaıdy QazAqparat Sports.kz saıtyna silteme jasap.
Gennadıı Golovkın reıtıngide 15-shi orynda tur. 2020 jyly Gennadıı nebári bir jekpe-jek ótkizgen, biraq ol orta salmaqta álem chempıony tıtýldaryn qorǵaý boıynsha jańa rekord ornatty – Golovkın tıtýldaryn 21 ret qorǵap shyqqan.
Eske sala ketsek, jeltoqsan aıynyń ortasynda Golovkın IBF jelisi boıynsha úmitker, Polsha boksshysy Kamıl Sheremetamen judyryqtasyp, jetinshi raýndtan keıin tizesin búktirgen. Sondaı-aq 38 jastaǵy qazaqstandyq boksshy taǵy bir chempıondyq beldik – IBO-ny qorǵap shyqty.
2021 jyly Gennadıı Golovkınniń meksıkalyq boksshy Saýl «Kanelo» Alvarespen trılogııa ótkizetini kútilýde – olardyń arasyndaǵy aıqas qyrkúıek aıynda ótýi múmkin.
Golovkın sondaı-aq HHІ ǵasyrdyń uly boksshylarynyń «úshtigine» kirdi. Tanymal Give Me Sport basylymy ǵasyrdyń úzdik 50 boksshysynyń reıtıngisin usyndy. Budan basqa, GGG ESPN usynǵan P4P reıtıngisiniń úzdik «ondyǵyna» kirdi, sondaı-aq «Kaneloǵa» eń týra daryǵan soqqylar avtory atandy.
Budan basqa, GGG 2020 jyly sport alańyna qaıtyp oralyp, kópshilikti shýlatqan tulǵa retinde tanyldy.
