Golovkınniń ekinshi orta salmaqqa aýysý talaptary aıtyldy

ASTANA. QazAqparat - Orta salmaqtaǵy qazaqstandyq álem chempıony Gennadıı Golovkınniń jattyqtyrýshysy Abel Sanches boksshynyń qandaı jaǵdaıda aýyr salmaqqa aýysatyndyǵyn aıtty, dep jazady Sports.kz.

«Kanelomen» aıqas - bizdiń barlyq maqsatymyz. Ol sátti aıaqtalmaǵan jaǵdaıda bizdiń qazirgi oılarymyzdyń mańyzy bolmaı qalady. Biz Golovkın álemdegi eń myqty orta salmaqtaǵy boksshy ekendigin dáleldeýimiz kerek. Jekpe-jek sátti aıaqtalatyn bolsa, revansh bolýy múmkin. Biz ondaı múmkindikke qýanamyz. Al, rematch jasaýǵa múmkindik bolmasa, Gennadı 168 fýntqa ótý máselesin qarastyrady áıtpese biz 160 fýntpen qajettiniń bárin jasaımyz», - dedi Sanches ESPN Deportes-ke bergen suhbatynda. 

Gennadıdiń 160 fýntpen jetpegen jalǵyz tıtýly - brıtandyq Bıllı Djo Sonders ıelengen WBO álem chempıony beldigi. Alaıda, Sanchestiń oıynsha, qazaqstandyq boksshynyń jasy 35-ke kelgendikten jáne ol Sonderspen jekpe-jekti uzaq kúte almaıtyn bolǵandyqtan, Alvarespen aıqas  GGG-diń orta salmaqpen shyǵýynyń sońǵy kezeńi bolýy múmkin.