Golovkınniń Djeıkobs arqyly Alvaresti «qaqpanǵa» túsirgenine senbeımin - Sápıev

ASTANA. QazAqparat - Olımpıada chempıony Serik Sápıevtiń oıynsha, Golovkın -Alvares jekpe-jegi 12 raýndqa deıin sozylyp ketse, tóreshiler sheshimimen jeńý qıyn bolady, dep xabarlaıdy QazAqparat tilshisi.

«Menińshe, Golovkın jeńedi. Bul - onyń kásibı bokstaǵy mańyzdy jekpe-jegi. Degenmen, mende de, jankúıerlerde de bir qobaljý bar. Sebebi Golovkınniń sońǵy jekpe-jegi oıdaǵydaı bolmady. Óz basym «Gennadıı Golovkın Djeıkobs arqyly Alvaresti qaqpanǵa túsirdi» degen boljammen kelispeımin. Onyń bári - ósek-aıan. Oǵan sene berýge bolmaıdy. Qazir men de, basqa adamdar da Alvareske qarsy jekpe-jek 12 raýndqa deıin sozylyp ketedi dep qaýiptenemiz. Ondaı bosa, tóreshiler sheshimimen jeńý qıyndaý bolady», - dedi Sápıev QazAqparat tilshisine bergen suxbatynda.

Onyń paıymynsha, buǵan deıin Golovkın jıi bokstasty. Sodan bolar, Djeıkobske qarsy shyqqanda qarsylasyn nokaýtqa túsire almady. «Bul joly Golovkın jaqsy demaldy. Endi, aldaǵy jekpe-jekke tolyǵymen daıyn bolady dep oılaımyn. Qazir revansh, trılogııaǵa kóp sene berýge de bolmaıdy. Golovkınge aldymen aıqyn basymdyqpen jeńý kerek. Sodan keıin revansh jaıynda sóılesýge bolady», - dep atap kórsetti Májilis depýtaty.

Aıta keteıik, Olımpıada chempıony Sápıev kásibı bokstaǵy taǵy bir sportshymyz Qanat Islamǵa promoýterdi aýystyrý qajet dep sanaıdy.