Golovkınniń chempıondyq tıtýlyna mindetti úmitker anyqtaldy

ASTANA. QazAqparat - Orta salmaqtaǵy Jermall Charlo (25-0, 19 KO) jáne Horhe Sebastıan Heıland (29-4-2, 16 KO) WBC nusqasy boıynsha qazaqstandyq Gennadıı Golovkın ıelengen chempıondyq ataqtyń mindetti úmitkeri mártebesine talasty. Aıqas J.Charlonyń jeńisimen aıaqtaldy, dep habarlaıdy Sports.kz.

Ekinshi kezeńde Heıland tepe-teńdikti saqtaı almaı, qulap bara jatyp Charlonyń soqqysyna tap boldy. Alaıda, argentınalyq boksshynyń sátsizdigine qulap bara jatyp sol jaq aıaǵyn jaraqattap alǵandyǵy sebep boldy. Al, qarsylasy úshin bul ońaı olja boldy. Tóreshi men dáriger belgisiz sebeptermen Heılandtyń úshinshi, odan keıin tórtinshi raýndqa shyǵýyna ruqsat berdi.

Nátıjesinde, Heıland Charlonyń úzdiksiz shabýylynan taǵy da qulady. Bul joly tóreshi jekpe-jekti toqtatty.