Golovkınniń Chavespen jekpe-jegi bolmaǵan jaǵdaıda ózge qarsylasy bar
ASTANA. QazAqparat - WBA jáne IBO nusqasy boıynsha orta salmaqtaǵy álem chempıony Gennadıı Golovkın meksıkalyq Hýlıo Sezar Chavespen jekpe-jek bolmaı qalǵan jaǵdaıda qarsylasy kim bolatynyn aıqyndady.
Bul týraly Yahoo! Sports-ǵa bergen suhbatynda bapker Tom Leffer málimdedi, delingen GGG VKontakte betterinde.
Lefflerdiń aıtýynsha, ol NVO basshylyǵymen basqa da múmkindikterdi talqylaýdy josparlaýda. Óıtkeni shilde aıyndaǵy jekpe-jekti keıinge qaldyrǵysy kelmeıdi.
Sondaı-aq Golovkınniń bapkeri WBO nusqasy boıynsha orta salmaqtaǵy chempıondar - Pıter Kýıllın men Denıel Djeıkobs shildedegi kezdesýde Golovkınge qarsy birden-bir yqtımal úmitker bolatynyn aıtty.
Budan buryn habarlanǵandaı, Golovkın men Chaves arasyndaǵy jekpe-jek Los-Andjelestegi «Forým» (Forum) jabyq arenasynda 19 shildege belgilengen. Eger taraptar ýaǵdalastyqqa kele almasa, qazaqstandyq dál sol kúni, biraq Nıý-Iorkte rıngke shyǵatyn bolady.
