Golovkınniń burynǵy qarsylasy «Kanelony» jeńýdiń jolyn aıtty

ASTANA. QazAqparat - Qazaqstandyq boksshy Gennadıı Golovkınniń (38-0-1, 34 KO) meksıkalyq Saýl Alvarespen (49-1-2, 34 KO) ekinshi jekpe-jegi 15 qyrkúıek kúni Las-Vegasta ótedi.

Gennadıı Golovkınniń burynǵy qarsylasy Malık Dıarra GGG aldaǵy jekpe-jekte jeńiske jetý úshin ne isteý kerek ekenin aıtty, dep jazady Sports.kz.

«Menińshe, birinshi jekpe-jekte Golovkın «Kanelonyń» erkin tynys alýyna múmkindik berdi. Oǵan barynsha qatań qysym jasaý kerek. Abel Sanches - úzdik bapker ári taktıkterdiń biri, sondyqtan, ol barlyǵyn eskeredi, GGG birinshi kezdesýdegi sekildi Alvareske rıngtiń ortalyǵyn op-ońaı bere salmaıdy dep oılaımyn», - dedi burynǵy boksshy.