Golovkınniń bolashaq qarsylastary nege jeńilip qala beredi

ASTANA. QazAqparat - Tanymal qazaqstandyq boksshy Gennadıı Golovkın (38-1-1, 34 KO) kásibı mansabynda alǵash ret meksıkalyq Saýl Alvaresten jeńilgennen keıin kelesi aıqasyna qarsylas izdep jatyr, dep habarlaıdy Sports.kz.

Otandasymyzdyń bolashaq qarsylastarynyń arasynda japondyq Rıoto Mýrata men ırlandyq Gerı O'Sallıvan bar edi.

GGG komandasy qaramaǵyndaǵy boksshyǵa álsiz qarsylas izdep júr me? Bul saýalymyzǵa QR Kásibı boks federatsııasynyń vıtse-prezıdenti Vıktor Demıanenko jaýap berdi.

«Bul álsiz qarsylas izdep jatyr degen sóz emes. Kóp boksshy GGG-men judyryqtasqysy kelmeıdi, sebebi eshkim jeńilýdi qalamaıdy. Mýrata Tokıodaǵy el-jurtynyń aldynda ózin kórsetkisi keldi, biraq ol Golovkınge laıyq qarsylas emes. «Kanelo» da, GGG de qazir laıyqty qarsylas qarastyryp jatyr», - dep esepteıdi maman.