Golovkınniń bir jekpe-jegin uıymdastyrý úshin qansha aqsha ketedi

Boks keshin uıymdastyrýshylar keshenge, jarnamaǵa, uıymdastyrýshylar keńesterine, jekpe-jek úshin jáne belbeý úshin de aqsha tólep turady. Tipti jekpe-jekti ótkizýge ruqsat alý úshin de qarjy tóleý kerek. Osy oraıdy Vesti.kz portaly qazaqstandyq boksshy Gennadıı Golovkınniń bir jekpe-jekke qansha shyǵyndalatynyn jáne chempıondyq belbeý úshin qansha jarna tólep turatynyn eseptep kórdi. 

Jekpe-jekterdiń ishinde chempıondyq kezdesýlerdi uıymdastyrý qymbatqa túsedi. Al ózge kezdesýlerdi azyn-aýlaq aqshaǵa uıymdastyrýǵa bolady. Sonymen qatar jekpe-jekti uıymdastyrýdyń qanshalyqty qymbat bolatyny kezdesýde qansha belbeý sarapqa salynatynyna da baılanysty. Ár uıymnyń naqty belgilep qoıǵan baǵasy bar.

 

Mysaly, Golovkınniń komandasy qazaqstandyq boksshynyń jekpe-jegin uıymdastyrý úshin WBC, WBA, IBO,  IBF sekildi uıymdardyń barlyǵyna belgilengen jarnany tólep otyrýy kerek. Bul tek jekpe-jekti ótkizýge ruqsat alý úshin tólenetin jarna. 

Odan bólek, jekpe-jekti uıymdastyrýdyń quny boksshylardyń syıaqylaryna da tikeleı baılanysty. Onyń da birneshe kategorııasy bar: 100 myń dolllardan bastalyp, 100 myń men 500 myń jáne 500 myń dollardan kóp jarna tóleıdi. Bul jerde ár uıymnyń jarnasy ártúrli ekenin umytpaǵanymyz jón.

Máselen, Golovkınniń jekpe-jegin uıymdastyrý úshin onyń promoýterleri boks keńesterine 500 myń dollardan kóp aqsha tólep otyrady. Óıtkeni, qazaqstandyq boksshynyń aıqas úshin alatyn syıaqysy da joǵary. 

Mundaı jarnany jekpe-jek keshine qatysatyn barlyq boksshylardyń tóleýi mindetti. Eger boksshy jekpe-jekke deıin atalǵan somany tólemeıtin bolsa, onyń jeńip alǵan belbeýi bos bolyp turady. (Janat Jaqııanov osyndaı jaǵdaıǵa tap boldy). 

IBF keńesinde aýyr salmaqta óner kórsetetin boksshylar men jeńil salmaqta óner kórsetetin boksshylardyń jarnasy ártúrli. Al uıymnyń shartyna promoýterdiń jyl saıynǵy jarnasy, tóreshilerdiń jalaqysy, sýpervaızerlerdiń aqshasy, belbeýdiń quny, ártúrli stıpendııa, júrip-turýdyń quny, boks keshiniń resmı ókilderiniń shyǵyny, saqtandyrý sekildi komponentter kiredi. 

Al WBA uıymynyń keńesinde sharttar budan da asyp túsedi. Biraq olardyń keıbiri jekpe-jektiń deńgeıine de baılanysty bolady. Munyń barlyǵy da ruqsat alyp, aqsha tólengenge deıin sheshilýi kerek. 

 

Endi Golovkınge qaıta oralatyn bolsaq, onyń promoýteri qazaqstandyq boksshynyń jekpe-jegin uıymdastyrý úshin qyrýar aqshaǵa shyǵyndalady. Nazarlaryńyzǵa sol shyǵyndardy usynamyz. 

WBC. Promoýterdiń lıtsenzııa úshin 25 myń dollar. Boksshynyń lıtsenzııasy - 3 myń, saqtandyrý - 1500, referılerdiń qyzmeti - 3150, tóreshilerdiń jumysy úshin - 7350, sýpervaızerge 1000 myń dollar, sonymen qatar uıymnyń ózine eń az degen 3 myń dollar jarna berý kerek. Jalpy osylaısha jekpe-jek úshin 44 myń dollar ketedi. Bir eskeretin jáıt, boksshy men promoýterdiń lıtsenzııasy úshin jarna jylyna bir ret tólenedi. Odan bólek, WBC esebine jekpe-jekten túsken syıaqynyń 3 paıyzy aýdarylady. 

IBF. Bul uıymnyń bir jyldyq promoýterlik lıtsenzııasy 4 myń dollar turady. Jekpe-jekke ruqsat alý - 3500 dollar, sýpervaızer - 1000, referı - 2800, tóreshi - 6 myń dollar alady. Eger kerek bolyp jatsa belbeý úshin taǵy qosymsha bir myń dollar tólenedi. Jalpy uıymnyń jekpe-jegi úshin 18 300 dollar ketedi. Golovkın birden úsh birdeı belbeýdi qorǵap júrgendikten bul uıymǵa tabystyń úsh paıyzy emes, eki paıyzy túsedi. 

 

WBA. Bul uıymnyń erejesi turaqty emes. Óıtkeni jarnanyń kórsetkishi de jıi ózgerip turady. WBA uıymynda jarna alýdyń kóp joldary qarastyrylǵan. Promoýter 25 myń dollar, menedjerdiń lıtsenzııasy - 1200 dollar, saqtandyrý - 3 myń, sýpervaızer - 1000, tóreshilerge - 3100 dollar, eger syıaqynyń kólemi 5 mıllıonnan asatyn bolsa, tóreshiler 3500 dollar alady. Al jekpe-jektiń ruqsaty bul uıymda 20 myń dollar turady. Jalpy WBA jekpe-jegin ótkizý úshin 65 700 dollar ketedi. Tabystyń úsh paıyzy uıymnyń esepshotyna túsedi. 

IBO. Jekpe-jekterdi ótkizýge eń az jarna men shyǵyn ketetin uıym. Promoýterdiń jyl saıynǵy lıtsenzııasynyń quny - 2 myń dollar turady. Biraq bul jerde promoýterlik tólem degen bar. ıAǵnı, jekpe-jek úshin promoýter uıymǵa 10 myń dollar tóleýi kerek. Referı - 3 myń, tóreshiler - 6 myń, komıssııa - 1000 dollar alady. Jalpy 22 myń dollar ketedi. Tabystyń úsh paıyzy uıymnyń esepshotyna túsedi. 

Demek Golovkınniń jekpe-jekterin uıymdastyrý úshin Leffler tórt uıymǵa jarna berip otyrýy kerek. Onyń kólemi shamamen 150 myń dollardaı bolady (Joǵarydaǵy sandardy este saqtap qalýlaryńyzdy suraımyz). 

Joǵaryda biz boksshynyń promoýteri túsken paıdanyń úsh paıyzyn uıymǵa beretinin aıttyq. Golovkınniń kezdesýin uıymdastyrý úshin 150 myń dollar (joǵarydaǵy uıym jarnalarynyń qosyndysy) kóleminde jarna tóleıdi. Endi osy máseleni qarastyrsaq. Óıtkeni, Leffler Golovkınniń sońǵy bes kezdesýin ájepteýir shyǵyndalyp qaldy. 

Golovkın - Monro (jalpy tabys 1,6 mıllıon dollar ). Onyń úsh paıyzy 48 (úsh uıym - IBO, WBA, WBC) myń dollar, eki paıyzy 32 (IBF) myń dollar. Jalpy 176 myń dollar. Oǵan joǵarydaǵy 150 kólemindegi jarnany qosyńyz. Osylaısha shyǵyn 326 myń dollarǵa jetedi. 

Golovkın - Leme (jalpy tabys 3,5 mıllıon dollar).  Úsh paıyz 105 (úsh uıym - IBO, WBA, WBC) myń dollar, eki paıyz 70 (IBF) 70 myń dollar. Jalpy 385 myń dollar. Qosymsha jarnalarmen birge jalpy shyǵyn 535 myń dollar. 

Golovkın - Ýeıd (jalpy tabys 2,5 mıllıon dollar). Úsh paıyz 75 (úsh uıym - IBO, WBA, WBC) myń dollar. Eki paıyz 50 (IBF). Jalpy 275 myń dollar. Plıýs 50 myń dollar. Lefflerdiń shyǵyny 425 myń bolǵan. 

Golovkın - Brýk (jalpy tabys 8 mıllıon dollar). Úsh paıyz 240 (úsh uıym - IBO, WBA, WBC) myń dollar. Eki paıyz 160 (IBF). Jalpy 880 myń dollar.  Oǵan 150 myń dollardy qosamyz jáne shyǵyn 1 030 000 myń dollar.

Golovkın - Djeıkobs (jalpy tabys 4,25 mıllıon dollar). Úsh paıyz 127 500 (úsh uıym - IBO, WBA, WBC) dollar. Eki paıyz 85(IBF). Jalpy 467 500 dollar. Shyǵyn 617 500 dollar. Bul shyǵyndarǵa taǵy boksshylardyń júrip-turýy, jarnama, sport keshenine beriletin aqsha jáne jattyǵý lagerlerinde ketken somalar da qosylady. 

 

Aıta keteıik, bul shyǵyn júz paıyz durys dep aıtýǵa kelmeıdi. Óıtkeni kelissózder barysynda arnaıy jeńildikter qarastyrylýy yqtımal. Sonymen qatar tabystyń basqa da túrleri bar. Tipti jylyna bir ret ǵana tólenetin jarnalar bar. Sol sebepti Golovkınniń bir jekpe-jeginde qansha aqsha shyǵyndalatynyn Lefflerden basqa eshkim esepten shyǵa almaıtyn shyǵar. Al bul esep boıynsha Leffler Golovkınniń sońǵy bes kezdesýinde 2 933 500 dollar shyǵyndaǵan.