Golovkınniń bar aıbaty aıqyn kóringen 5 aıqasy jarııalandy
ASTANA. QazAqparat - The Fight Game-niń Youtube-tegi arnasy qazaqstandyq bylǵary qolǵap sheberi Gennadıı Golovkınniń (37-0-1, 33 KO) bes úzdik aıqasynan úzindilerdi jarııalady, dep habarlaıdy Sports.kz.
Vıdeo avtorynyń pikirinshe, Gjegoj Proksa (28-1 - Golovkınge qarsy jekpe-jekke deıingi statıstıkalar), Denıel Gıl (30-2), Marko Antonıo Rýbıo (59-6-1), Kishi Vıllı Monro (19-1) jáne Nobýhıro Isıdalarǵa (24-8-2) qarsy aıqastarynda GGG jeńilmeıtindeı kóringen.
Gennadıı 2018 jyldyń 5 mamyrynda meksıkalyq Saýl Alvareske (49-1-2, 34 KO) qarsy qarymta kezdesý ótkizedi dep kútilýde. 1XBET býkmekerlik keńsesi osy aıqasqa bás qabyldaýdy bastap jibergen. Olar Golovkınniń jeńisine - 1.77, Alvarestiń jeńisine - 2.13, teń nátıjege - 25 koeffıtsıentterin usynyp otyr.
