Golovkınniń bapkeri jattyqtyratyn amerıkalyq boksshy dopıng-testten ótpeı qaldy

ASTANA. QazAqparat - ESPN.com aqparaty boıynsha, birinshi jartylaı orta salmaqtaǵy amerıkalyq Raıan Martınten (22-1, 12 KO) Dúnıejúzilik boks sýperserııasyna qatysýyna baılanysty WBC jáne VADA-ǵa qarasty «Taza boks» baǵdarlamasy aıasynda tyıym salynǵan zattarǵa test tapsyrǵan. Ol oń nátıje kórsetken, dep habarlaıdy Sports.kz.

Bul týraly telearnaǵa Dúnıejúzilik boks keńesiniń prezıdenti Maýrısıo Sýleıman aıtty. Bul rette, boksshynyń synamasynan qandaı tyıym salynǵan zattyń anyqtalǵany aıtylmaǵan.

Eske salaıyq, Martın Abel Sanchestiń jetekshiliginde qazaqstandyq Gennadıı Golovkın jáne Álı Ahmedovpen birge Bıg-Bearda (Kalıfornııa shtaty) jattyǵady. 3 qarasha kúni ótken sońǵy jekpe-jeginde ol brıtandyq Djosh Teılordan tehnıkalyq nokaýtpen jeńilgen bolatyn.