Golovkınniń bapkeri jankúıerlerdiń synyna jaýap berdi

ASTANA. QazAqparat - Qazaqstandyq boksshy Gennadıı Golovkınniń (38-1-1, 34 KO) bapkeri Abel Sanches GGG-ge jańa bapker kerek degen synshylarǵa jaýap berdi, dep habarlaıdy QazAqparat Sports.kz saıtyna silteme jasap.

«Muny aıtqan adamdar eshqashan bokstasyp kórmegen. Biz rıngte zalda jasaǵandy kórsetemiz. Men álemniń 18 chempıonyn tárbıeledim. Men - zalda bir mezgilde eki álem chempıony - Golovkın men Gassıevti jattyqtyrǵan jalǵyz bapkermin. Qazir menimen taǵy eki álem chempıony jumys istep jatyr. Sondyqtan, mundaıdy estý men úshin aqylǵa qonbaıdy...Mende jeńilister serııasy bolǵanyn aıtyp jatyr. Eger eki jeńilis bul serııa bolsa, onda - ıá. Onyń ústine, eki úlken jekpe-jekte. Qudaıym-aı, olar ne dep jatyr!», - dedi Sanches.

Eske salaıyq, Golovkın meksıkalyq boksshy Saýl Alvaresten jeńilgennen keıin orta salmaqtaǵy WBA Super, WBC jáne IBO nusqalary boıynsha álem chempıony ataqtarynan aıyryldy. Al onyń aldynda mindetti jekpe-jekten bas tartqany úshin IBF beldigin joǵaltqan bolatyn.