Golovkınniń bapkeri tóreshilerdiń ádiletsizdigi týraly: Qolymyzdan bokstasý ǵana keledi

ASTANA. QazAqparat - Qazaqstandyq boksshy Gennadıı Golovkınniń bapkeri Abel Sanches meksıkalyq Saýl Alvarespen ótetin qarymta kezdesýge tóreshilerdiń yqpalyn tıgize alatynyn joqqa shyǵarmaıdy, dep habarlaıdy Sports.kz.

«Bul Golovkınniń mansabyndaǵy alǵashqy rematch. Ózi jaqsy tanıtyn boksshymen kezdeskeli tur. Tóreshiler qaıtadan qatelik jiberse, boksqa nuqsan keledi. Taǵy da barlyǵyn qurtatyn bolsa,  bul Nevada shtaty ekenin moıyndaýdan basqa eshteńe qalmaıdy. Qolymyzdan bokstasý ǵana keledi. Bul jolǵy kezdesýdiń tóreshileri durys tańdalyp, jekpe-jekti aldyn ala toltyrylǵan esep boıynsha emes, óz kózderimen kórgenderi arqyly baǵalaıdy degen oıdamyn», - dedi Sanches.

Eske salaıyq, «Kanelo» men GGG-dyń alǵashqy aıqasy daý týdyryp, sońynda qarsylastar teń túsken edi. Ekinshi jekpe-jek 15 qyrkúıekte Las-Vegastegi T-Mobile arenasynda ótetin bolady.