Golovkınniń bapkeri onyń jaraqaty týraly aqparatty joqqa shyǵardy
ASTANA. QazAqparat - Qazaqstandyq boksshy Gennadıı Golovkınniń (37-0, 33 KO) bapkeri Abel Sanches brıtandyq Bıllı Djo Sonderstiń (24-0, 12 KO) promoýteri Frenk Ýorenniń jýyrda aıtqan sózderine pikir bildirdi, dep habarlaıdy QazAqparat Sports.kz saıtyna silteme jasap.
Eske salsaq , Ýorren «Golovkınniń promoýteri onyń jaraqattanyp qalǵanyn aıtty», degen bolatyn.
«Bıllı aıqasqa burynǵydaı daıyn, barlyq qujattar ústel ústinde jatyr, biz olardyń qol qoıýyn kútip júrmiz. Biraq bizge Golovkınniń jaraqattanyp qalǵany aıtyldy. Bizge endi kútýge týra keledi. Bıllı bul jekpe-jektiń bolǵanyn qalaıdy, biz qoldan kelgenniń barlyǵyn jasadyq», - dedi F. Ýorren.
«Frenk ne týraly aıtyp otyrǵanyn bilmeımin. Jaraqat dep aıtýǵa turarlyq eshteńe bolmady, kez kelgen boksshy aıqasqa qandaı da bir bolmashy problemalarmen keledi. Olar jekpe-jekke esh ýaqytta 100 paıyz daıyndyqpen kelmeıdi. 12-raýndyq osyndaı asa aýyr jekpe-jekten keıin Golovkınde de, Djeıkobsta da qandaı da bir aýyrsynýlar bolatynyna senimdimin. Biraq men qazirgi jaǵdaıda onyń (Ýorrenniń - red.) ne týraly aıtyp turǵanyn túsine alar emespin. Men buǵan qatysty múldem ýaıymdamaımyn: Golovkınniń aıqastan keıingi Nıý-Iorktegi fotolaryn ózderińiz kórdińizder ǵoı», - dep atap ótti Sanches.
