Golovkınniń bapkeri onyń ІBF tıtýlynan aıyrylýyna qatysty pikir bildirdi

ASTANA. QazAqparat - Qazaqstandyq boksshy Gennadıı Golovkınniń  (38-0-1, 34 KO) bapkeri Abel Sanches boksshynyń IBF versııasy boıynsha orta salmaqtaǵy álem chempıony tıtýlynan aıyrylýyna qatysty pikir bildirdi, dep habarlaıdy Sports.kz

«Keıde uıymnyń kún tártibi bolady, olar bolashaqta tarıhta qalar is jasaıtyn jas jigittiń bar ekenin eskerýleri kerek. Múmkin olar ne bolyp jatqanyn túsinbeıtin shyǵar. Buryn Bernard Hopkıns birikken chempıon bolǵan kezde, bul asa mańyzdy emes dep oılap keldi. Búginde birikken chempıon bolý - óte mańyzdy. Uıymdar osyny eskerip, keshirimmen qaraýy kerek dep oılaımyn. Mundaı jaǵdaılarda bas beldik boksshyǵa quqyq berýi kerek», - dep pikirin bildirdi Sanches.

Eske sala keteıik, Golovkın IBF beldigine úmitker Derevıanchenkomen kezdesýge kelispegeni úshin atalmysh beldiginen aıyrylǵan bolatyn. Sodan keıin qazaqstandyq boksshynyń komandasyna «Kanelonyń» aıtqan sharttaryna kónýge týra keldi. 

Alaıda meksıkalyq boksshynyń promoýteri Oskar de la Hoııa Alvares-Golovkın jekpe-jegin tek keler jyly 5 mamyrda uıymdastyrýǵa bolatynyn aıtyp otyr.

Gennadıı Golovkınniń aıyrylyp qalǵan IBF tıtýlynan bólek, WBA Super, WBC jáne IBO beldikteri bar.