Golovkınniń bapkeri «Kanelomen» úshinshi aıqasty keıinge qaldyrǵanyn málimdedi
ASTANA. QazAqparat - Qazaqstandyq boksshy Gennadıı Golovkınniń (38-1-1, 34 KO) bapkeri Abel Sanches meksıkalyq Saýl Alvarespen (50-1-2, 34 KO) bolatyn úshinshi aıqas týraly jáne ony basqa qalaǵa aýystyrý jaıly pikirimen bólisti, dep habarlaıdy Sports.kz.
Golovkınniń «Kanelomen» birinshi aıqasy da, ekinshi jekpe-jegi de Las-Vegastaǵy (AQSh) T-Mobile Arena-da ótip, daýly nátıjelermen aıaqtalǵan edi: birinshi jekpe-jekte teń nátıje bolsa, ekinshi aıqasta tóreshilerdiń basym daýysymen «Kanelo» jeńiske jetken.
- Kóptegen adamdar Golovkınniń úshinshi ret «Kanelomen» Vegasta aıqaspaýyn aıtyp jatyr...
- Keıde aqsha men qarjylyq talaptarǵa baılanysty Vegas jalǵyz qoljetimdi nusqa sanalady. Boksshylardyń qaıda judyryqtasatynyn promoýterler sheshedi.
- Jankúıerler bul jekpe-jekti Nıý-Iorkte kórgileri keledi...
- 2019 jyly sol jerde bolady dep úmittenemin. Jaǵdaıdyń qalaı bolatynyn bilý múmkin emes.
