Golovkınniń bapkeri «Kanelomen» bolatyn ekinshi kezdesý týraly tosyn málimdeme jasady
ASTANA. QazAqparat - Qazaqstandyq kásipqoı boksshy Gennadıı Golovkınniń (38-0-1, 34 KO) bapkeri Abel Sanches meksıkalyq bylǵary qolǵap sheberi Saýl Alvarespen (49-1-2, 34 KO) ekinshi kezdesý qyrkúıek aıynda ótetinine úmittenetinin, alaıda onyń kelesi jylǵa qaldyrylýy da múmkin ekendigin aıtty, dep habarlaıdy Sports.kz.
«Men bul kezdesý bolady dep úmittenemin. Bul - boks úshin qajet jekpe-jek. Osydan nebary eki apta buryn ekeýi (Golovkın men «Kanelo») bir-birinen sonshalyq alys bolyp edi, al endi olar bir-birine bet burǵandaı. Oskar De la Hoııa óz sózinde Tom Lefflermen kelisimdi aıaqtaýǵa shaq qalyp, ertesine qaıta kelise almaı qalǵanyn aıtyp edi. Ne bolaryn ýaqyt kórsetedi. Eger kelise alsaq, biz qaıtadan jattyǵý zalyna oralamyz. Bul - jankúıerler kópten kútken kezdesý. Al eger kezdesýdi bıyl ótkize almasaq, ony keler jyly ótkizemiz», - dedi Sanches.
Buǵan deıin «Kanelonyń» komandasy Las-Vegastaǵy T-Mobile Arena-ny brondap qoıǵany habarlanǵan bolatyn.
