Golovkınniń bapkeri «Kanelodan» ne qalaıtynyn aıtty

ASTANA. QazAqparat - Gennadıı Golovkınniń bapkeri Abel Sanches 15 qyrkúıek kúni rıngte meksıkalyq Saýl «Kanelo» Alvaresten agressııa kórýdi qalaıdy, dep habarlaıdy Sports.kz.

Boksshy men onyń promoýteri Oskar de la Hoııa GGG-di nokaýtqa túsirýdi qalaıtyndaryn birneshe ret málim etken bolatyn.

«Men boksshylarǵa únemi nokaýtqa túsirýdi úıretemin, biraq qarsylas ta ony qalaýy kerek. Eger «Kanelo» Golovkındi nokaýtqa jiberýdi qalasa, ol ornynda bolyp, ara qashyqtyqty esepteýi tıis. Sonda olar bir-birine qarsy tura alady. «Kanelo» Golovkındi de nokaýtqa jiberýdi qalaıtynyn jıi aıtady. Oskar da oǵan ashýly ekenin málimdedi. Osynyń bári shyndyq bolsa, biz alǵashqyda qalaǵan jekpe-jekke ıe bolamyz», - dedi Sanches Boxingnews24.com saıtyna bergen suhbatynda.