Golovkınniń bapkeri: GGG-diń jasyna alańdaýdyń qajeti bar ma

ASTANA. QazAqparat - Gennadıı Golovkınniń (37-0-1, 33 KO) bapkeri Abel Sanches boksshynyń qartaıyp bara jatqandyǵyna alańdamaıtynyn aıtty, dep habarlaıdy QazAqparat Sports.kz saıtyna silteme jasap. 

«Qalyń kópshilik Genanyń jasy men onyń «Kanelomen» jekpe-jegi kezinde ádettegiden baıaý qımyldaǵanyn aıtady. Eger men 8 raýndtyq sparıngter barysynda Genany jıi tómpeshtep, ol baıaý qımyldaǵanyn kórsem, men oǵan árıne, alańdaıtyn edim. Ázirge men mundaıdy kórip turǵanym joq»,-dedi Sanches.

Saýlem Alvarespen (49-1-2, 34 KO) bolǵan birinshi kezdesý daý týdyrsa da teń aıaqtaldy. Boks álemindegi kóptegen mamandardyń pikirinshe, Gennadıı taza jeńiske jetkenmen, oǵan ádiletsizdik jasaldy.

Revansh 5 mamyrda ótedi. Kezdesýdiń ótetin orny keıinirek habarlanady.