Golovkınniń bapkeri Djeıkobstyń Brýk pen Lemeden aıyrmashylyǵyn aıtty
ASTANA. QazAqparat - Gennadıı Golovkınniń jattyqtyrýshysy Abel Sanchestiń aıtýynsha, GGG Denıel Djeıkobspen jekpe-jekke túskende, Kell Brýkpen aıqasqandaǵydaı ashylmaıtyn bolady, dep jazady Sports.kz.
Sondaı-aq, bapker atap ótkendeı, Gennadıı qarsylastarynyń ishinde Djeıkobs Davıd Lameden kúshti.
«Ártúrli qarsylastarmen aıqasqan ýaqytta túrli máseleler kezdesip otyrady. Brýkpen jekpe-jekke shyqqanda eshqandaı qaýip bolmady. Golovkın eń aldymen shoý jasap, kórermenderdiń aıqastan lázzat alǵanyn qalady. Ol Brýktyń soqqysyn múldem sezbedi. Al Djeıkobstyń 32 aıqasynyń 29-yn nokaýtpen jeńgendigi - soqqy bere alatyndyǵynyń dáleli. Barlyǵy alǵashqy raýndqa baılanysty bolady. Gennadıı Djeıkobstyń qaýip tóndire alatyndyǵyn nemese almaıtyndyǵyn baıqaýy kerek», - degen pikirin bólisti Sanches Theboxingvoice tilshilerimen.
