Golovkınniń bapkeri boksshynyń tanymaldylyǵynyń syryn ashty
ASTANA. QazAqparat - WBA Super, WBC jáne IBO nusqalary boıynsha orta salmaqtaǵy álem chempıony Gennadıı Golovkınniń bapkeri Abel Sanches jankúıerler nelikten qazaqtandyq boksshyny unatatynyn aıtty, dep habarlaıdy Sports.kz.
«Gennadıı - halyqaralyq tulǵa, ol jankúıerleriniń basyn bir arnaǵa toǵystyrady. Sebebi ol eshqashan «Men bálenmin...», «Men túgenmin...» dep óz-ózin maqtap sóılemeıdi. Ol - barlyǵyna ortaq. Meksıkalyq áıgili chempıon Hýlıo Sesar Chaves sekildi. Latynamerıkalyq jankúıerler Golovkınniń oıyndaryn tamashalaıtynyna, Gennadıı naǵyz chempıon ekenin jáne ony dáleldeýdiń qajeti joqtyǵyn túsinetinine senimdimin. Sondyqtan da boksshynyń qoldaýshylary kóp», - dedi Sanches No Puedes Jugar Boxeo-ǵa bergen suhbatynda.
Golovkın 15 qyrkúıek kúni Las-Vegastaǵy T-Mobile Arena arenasynda meksıkalyq boksshy Saýl Alvarespen kezdesetin bolady.
