Golovkınniń bapkeri Alvaresti osal boksshy dep sanamaıdy

ASTANA. QazAqparat - Gennadıı Golovkınniń bapkeri Abel Sanches GGG-diń Saýl Alvarespen ótetin jekpe-jekti merziminen buryn toqtatý yqtımaldyǵy týraly óz pikirimen bólisti, dep jazdy Sports.kz.

«Meniń oıymsha, Golovkın Alvareske birneshe ret jaqsy soqqy berip, ábden qaljyratyp ony toqtatady. GGG ony judyryqtasý barysynda qulatyp salýy múmkin, alaıda «Kanelo» sońǵy ýaqytta salmaq qosyp, aýyr soqqyǵa tótep beretinin dáleldedi», - dedi Sanches On the Ropes Boxing Radio-ǵa bergen suhbatynda.

Sanchestiń pikirinshe, Alvares qarsylasynyń qatty soqqylaryna qaramastan 12 raýnd boıy oǵan shydas berýge daıyn. «Alaıda, kúsh pen únemi «soqqy berý» aıqastyń ekinshi jartysynda jekpe-jektiń merziminen buryn toqtaýyna sebepker bolýy ábden múmkin», - dep túıindedi Golovkınniń jattyqtyrýshysy.